सेल्फ डिफेन्सको अन्तर्राष्ट्रिय सेमिनार नेपालमा

कपन अनलाइन
काठमाडौ, ३माघ । सेल्फ डिफेन्सको अन्तर्राष्ट्रिय सेमिनार नेपालमा आयोजना हुने भएको छ ।

माघ ८ देखि १६ गतेसम्म काठमाडौं, जनकपुर र पोखरामा सम्मेलन आयोजना हुने नेपाल सेल्फ डिफेन्स संघले आज रिपोर्टर्स क्लब नेपालमा पत्रकार सम्मेलन गरी जानकारी गराएको हो ।
नेपाल सेल्फ डिफेन्स संघका अध्यक्ष डीबी रानापालले अन्तर्राष्ट्रिय सेमिनारमा सेल्फ डिफेन्सका ग्राण्ड मास्टर र विभिन्न देशका सेल्फ डिफेन्स पदाधिकारी सहभागी हुने बताए ।

कार्यक्रममा अमेरिका र पोल्याण्डका ग्राण्ड मास्टरहरु विशेष अतिथिका रुपमा सहभागी हुने जानकारी दिए । सेमिनारले आत्मरक्षा तालिमको महत्व र आवश्यकताबारे छलफल गर्ने, सेल्फ डिफेन्ससँग सम्बन्धि प्रशिक्षक तयार पारी भविष्यमा सम्पूर्ण जिल्लामा तालिम संचालन गर्ने, हिंसाकाविरुद्ध एकताबद्ध हुन आवाज बुलन्द गर्ने, पर्यटन प्रवद्र्धनमा सयोग गर्ने, खेलकुद प्रतियोगितामार्फत् देशलाई पदक दिलाउने उद्देश्य राखेको बताए ।
अध्यक्ष रानापालले राज्यमा हुने हिंसा न्यनिकरण गर्नको लागि सेल्फ डिफेन्सको तालिम तथा प्रशिक्षण अभियान चलाइएको बताए । सेल्फ डिफेन्सलाई प्रभावकारी बनाउन तालिम तथा प्रशिक्षणको आवश्यकता महशुश गरी सेमिनार आयोजना गर्न लागिएको उनको भनाई थियो । उनले भने, ‘यो तालिमले विशेषगरी चेलीबेटीहरुलाई फाइदा पुग्ने अपेक्षा गरेका छौं ।’ नेपाल भ्रमण वर्षको समयमा पर्यटनलाई टेवा दिने उद्देश्यले आफ्नो संस्थाले विभिन्न स्थानमा आत्म रक्षाको तालिम दिने जानकारी दिए । देशभित्र र विदेशबाट समेत सेल्फ डिफेन्ससम्बन्धि जानकारहरु आउने बताए ।
सेल्फ डिफेन्सकी उपाध्यक्ष सन्जु महर्जनले आफ्नो रक्षा आफै कसरी गर्न सकिन्छ भन्ने नारा बोकेको सेल्फ डिफेन्सले नेपालका ४० जिल्लामा समिति गठन गरिसकेको बताइन् । सेल्फ डिफेन्सका लागि हरेक जिल्लामा प्रशिक्षक उत्पादन गर्ने उद्देश्यका साथ प्रशिक्षण दिइरहेको जानकारी दिइन् । खेलकुदमा लागेकालाई मात्र नभई अन्य महिलालाई पनि तालिम दिइने उद्देश्य राखिएको बताइन् । सेल्फ डिफेन्सले २९ हजारलाई सेल्फ डिफेन्ससम्बन्धि सामाग्री वितरण गरेको बताइन् । सेल्फ डिफेन्समा आवश्यक आर्थिक जोहो पदाधिकारीबाट नै जुटाइरहेको भन्दै सरकारबाट आवश्यक सहयोग नपाइरहेको गुनासो गरिन् ।
सेल्फ डिफेन्सकी महासचिव नुतनश्रेष्ठले प्रेस बिज्ञप्ती पढेर सुनाएका थिए । उनले सेल्फ डिफेन्सको महत्वबारे प्रकाश पारेकी थिए । सेल्फ डिफेन्स अन्तर्राष्ट्रिय सेमिनारमा झण्डै २० लाख खर्च गरेर सेमिनार आयोजना गर्न लागेको जानकारी दिए । सेल्फ डिफेन्स खेलकै रुपमा विकास गर्दै लगिएको उनको भनाई थियो । आफुहरुले आजसम्म सरकार र विदेशी निकायको सहयोग नपाएको पनि जानकारी दिएका थिए । सेल्फ डिफेन्स सम्पुर्ण मार्सल आर्ट खेल भित्र पर्ने सबै विधालाई एकत्रित गरी स्वयम् आत्म रक्षाम्मक खेलको विकास गर्न गठन भएको संस्था भएको जानकारी दिए ।