गुरुजुधारामा गाडीले मोटरसाइकललाई ठक्कर दिंदा एकको मृत्यु

कपन अनलाइन

काठमाडौँ,पुस ८ ।चन्द्रागिरी नगरपालिका वडा नं.-१२ गुरुजुधारामा अज्ञात गाडीले ठक्कर दिंदा  आज बिहान एक जनाको ज्यान गएको छ ।

थानकोटबाट कलंकी जाँदै गरेको मोटर साईकललाई पहिचान भईनसकेको सवारी साधनले ठक्कर दिदा मोटरसाइकल चालक अर्जुन बहादुर के.सीको घटनास्थलमै मृत्यु भएको हो ।

पर्वत, कुलीपोखरी- १ घर भई हाल चन्द्रागिरि नगरपालिका वडा नं ७ बस्ने मृतक केसी छोरालाई बिद्यालय पुर्याउन कलंकी तर्फ जाँदै गर्दा अज्ञात सवारी साधनले ठक्कर दिएर भागेको महानगरीय प्रहरी बृतका प्रमुख डि.एस.पी घनश्याम श्रेष्ठले बताए ।

श्रेष्ठले फरार सवारीलाई छिट्टै नियन्त्रणमा लिई अनुसन्धान गरिने पनि बताएका छन् ।