गोकर्णेश्वर नगरपलिकाको जनप्रतिनिधि र प्रमुख प्रशासकीय अधिकृत नगर स्तरीय कार्यक्रममा सहभागी हुन संयुक्त राज्य अमेरिका प्रस्थान

कपन अनलाइन

काठमाडौं मंगसिर ९।संयुक्त राज्य अमेरिका स्थित टेक्सास नगरको निमन्त्रणालाई स्विकार गर्दै गोकर्णेश्वर नगरपालिका  वडा नं ५ का वडा अध्यक्ष नारायण बहादुर सुबेदी वडा नं ६ का वडा अध्यक्ष रमेश अर्याल र प्रमुख प्रशासकीय अधिकृत अग्नी प्रसाद अधिकारी मंगसिर ७ गते शनिबार  अमेरिका प्रस्थान गरेका छन ।

संयुक्त राज्य अमेरिकाको टेक्सास  स्थित  अरबिन सिटिमा  नगर स्तरीय कार्यक्रममा सहभागी हुनको लागि उनिहरु त्यता प्रस्थान गरेका हुन्।तीन हप्ताको अमेरिका बसाइको क्रममा उनीहरुले  ठोस फोहोर व्यवस्थापन  सिकाइ  अनुभव आदान–प्रदान स्थानीय शासन प्रभावकारी सेवा वितरण प्रणाली लगायतको बिषयमा अनुभब आदान प्रदान गर्नुको साथै गोकर्णेश्वर नगरपालिका र त्यहाको नगर बीच भगिनी सम्बन्ध स्थापनाको लागि प्रक्रिया अगाडी बढाउने कार्यक्रम रहेको गोकर्णेश्वर नगरपालिका वडा नं ५ का वडा अध्यक्ष नारायण बहादुर सुबेदीले बताए।

“सकारात्मक र राम्रा कामको अनुशरण र प्रसार गर्न भगिनी सम्बन्ध एउटा माध्यम बन्नेछ”, उनले भने, “आर्थिक समृद्धिको लक्ष्य प्राप्तिमा पनि यसले मद्दत पुर्‍याउँछ ।” पर्यटन प्रवर्द्धनमा भगिनी सम्बन्धले ठूलो महत्व राख्ने धारणा राख्दै नेपाल सरकारले घोषणा गरेको भ्रमण वर्ष २०२०  को लागि पनि त्यो फलदायी हुने बिश्वास ब्यक्त गरे।