लागुऔषध सहित नागढुङगावाट तीन जना पक्राउ

काठमाडौं,कार्तिक २९।  प्रहरी चन्द्रागिरी नगरपालिका वडा नं- २ नागढुंगा नाकावाट लागुऔषध सहित तीन जनालाई पक्राउ गरेको छ ।

 चन्द्रागिरी २ नागढुंगा स्थित छुटाछुटै चेक जाँचको क्रममा उनीहरुलाई विभिन्न परिणामको लागु औषध सहित पक्राउ गरिएको हो ।

महानगरीय प्रहरी बृत्त थानकोटका प्रहरी प्रहरी नायव उपरीक्षक प्रमूख कुमार विक्रम थापाका अनुसार विरगंजबाट काठमाण्डौँ तर्फ आउँदै गरेको बा ७ ख ५३७६ नम्बरको बस वाट भारत विहार रक्शौल पुर्वी चम्पारण हरदीया रघौता घर हुुने वर्ष २४ को दिलीप साह, धादिङ बाट काठमाण्डौँ तर्फ आउँदै गरेको बा ३ ख २८४० नम्बरको बस चेक जाँच गर्दा जिल्ला धादिङ थाक्रे गाउँपालिका वडा नं. २ सिम्ले घर हुने बर्ष ५५ को सोनम तामाङ वाईवा र नवलपारसी बाट काठमाण्डौँ तर्फ आउँदै गरेको लु १ ख ८५१३ नम्बरको बस चेक जाँच गरी सोही बसमा यात्रा गरी आएका जिल्ला नवलपरासी रामग्राम गा.पा वडा नं. ९ घर हुने वर्ष २५ को गणेश बानियाँलाई लागुऔषध सहित नियन्त्रणमा लिएको बताए ।

थानकोट बृत्तका प्रहरी नायव उपरीक्षक थापाका अनुसार शाहाको साथवाट झोला भित्र पत्रिका र टेपले बेरि १३ वटा पोका बनाई लुकाई छिपाई लिई आएको लागु औषध फेनारगन ६५० एम्पल डाईजेपाम ६५० एम्पल र नुफिन ६५० एम्पल फेला परेको छ । त्यस्तै सोनम तामाङ वाईवाको साथ वाट लागु औषध चरेश ८ किलो ५३५ ग्राम र बाँनियाको साथवाट लागु औषध फेनारगन ३०० एम्पल, डाईजेपाम ३०० एम्पल र नुफिन ३०० एम्पल सहित पक्राउ गरिएको बताए ।

पक्राउ गरिएका तीनै जनालाई जिल्ला अदालत काठमाडौंमा म्याद थप गरि अनुसन्धान गरिएको थानकोट प्रहरीले जनाएको छ ।