नेकपा ओखलढुंगा -काठमाडौं सम्पर्क मंचको देउसी भैलो कार्यक्रम सम्पन्न

कपन अनलाइन

काठमाडौं ,कार्तिक १३ ।

नेपाल कम्युनिस्ट पार्टी ओखलढुंगा -काठमाडौं सम्पर्क मंचको देउसी भैलो कार्यक्रम सम्पन्न भएको छ ।काठमाडौं महानगरपालिका वडा -४ को सुर्य क्याटरिङमा भएको देउसी भैलो कार्यक्रमको प्रमुख अतिथि नेपाल सरकारका उप प्रधानमन्त्री ईश्वर पोखरेल रहेका थिए भने ओखलढुंगा जिल्लाका प्रतिनिधि सभा सदस्य यज्ञराज सुनुवार ,नेकपाका केन्द्रिय सदस्य किशोर अधिकारी ,प्रदेस सभा सदस्य अम्बिर बाबु गुरुङ ,बालकृष्ण ढुंगेल ,केदारराज पुडासैनी ,कुमार घिमिरे ,लोककृष्ण भट्टराई ,सुरेद्र बोगटी लगायत अतिथि रहेका थिए ।

सो देउसी भैलो कार्यक्रम बाट संकलित रकम विरामी सहायता कोषमा राखिने र त्यस बाट ओखलढुंगा जिल्ला बाट आउने विरामीहरुलाई सहयोग गरिने मंचका नेता चन्द्र राईले जानकारी दिएका छन।विगत लामो समय देखि हरेक तिहारमा देउसी भैलो कार्यक्रम आयोजना गर्दै आएको बताउदै राईले जिल्ला बाट काठमाडौं आइ काठमाडौंमा बसोवास गर्ने जिल्ला वासीको बाक्लो उपस्थिति रहेकोमा सबैलाई धन्यवाद दिएका थिए ।