ज्यान मुद्दामा फरार सिन्धुपाल्चोकका तामांग २४ वर्ष पछि चन्द्रागिरी दहचोक वाट प्रकाउ

कपन अनलाइन

काठमाडौ,माघ १८।

सिन्धुपाल्चोक जिल्लाको साबिक तारामाराङ गा. बि. स वडा नं २ स्थित सोही स्थान बस्ने सानुकान्छा तामाङलाइ २०५०।१२।०३ मारेर   फरार रहेका  अभियुक्त भिम बहादुर तामाङ पक्राउ परेका छन ।

उक्त घटनामा संलग्न अभियुक्त जिल्ला सिन्धुपाल्चोक तारामाराङ(२ बस्ने बर्ष ४५ को उरसिंह तामाङ भन्ने भिम बहादुर तामाङ थानकोट एरियामा लुकिछिपी बसेको भन्ने गोप्य सुचनाको आधारमा घटना भएको २४ बर्ष पछी निजलाइ महानगरिय प्रहरी बृत्त थानकोटबाट खटिएको प्रहरी टोलिले  काठमाण्डौको  चन्द्रागिरी नगरपालिका वडा नं १ दहचोकबाट पक्राउ गरेको महानगरिय प्रहरी वृत्त थानकोटका प्रहरी नायव उपरिक्षक महेन्द्र नेपालले वताएका छन ।

उक्त मुद्दाको फैसला २०५१ सालमा सिन्धुपाल्चोक जिल्ला अदालतले गरेको थियो । सोहि  मुद्दामा अन्य ५ जना अभियुक्तहरु भएतापनि अन्यलाइ भने प्रहरीले पक्राउ गरेर कानुन बमोजिम सजाय पाइसकेतापनि निज भिम बहादुर तामाङ भने घटना भएको मिती देखी नै फरार रहेका थिए।