बाघको छाला र हड्डी सहित २ जना पक्राउ

कपन अनलाइन

तनहुँ, माघ ३।
आबुखैरेनी गाउँपालिका–४ पुलजिप स्थित पृथ्वी राजमार्गबाट नुवाकोट शिवपुरी गाउँपालिका बस्ने २८ वर्षीय भिमबहादुर तामाङ र गोरखाको सुलीकोट–२ बस्ने ३५ वर्षीय ईतबहादुर घलेलाई बाघको छाला ३ थान, सोको हड्डी ५ केजी ५ सय ५० ग्राम सहित प्रहरीले पक्राउ गरेको छ ।

काठमाडौंबाट पोखरातर्फ जाँदै गरेको बा.१५ च ७४५६ नम्बरको स्कारपियो गाडीलाई केन्द्रीय अनुसन्धान ब्युरो र ईलाका प्रहरी कार्यालय आबुखैरेनीको संयुक्त टोलीले खानतलासी गर्दा गाडीमा सवार तामाङ र घलेलाई उक्त वस्तु सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।