तारेभिरबाट प्रचण्डको उदघोष : अव नेपाल नयाँ युगमा प्रवेस गर्यो
कपन अनलाइन
काठमाडौ,माघ १।
चौथो तारेभिर महोत्सव उदघाटन गर्दै नेकपा माओवादी केन्द्रका अध्यक्ष पुष्पकमल दाहाल प्रचण्डले अव नेपालको समृधिको ढोका खुलेको बताएका छन । चौथो तारेभिर महोत्सव २०७४ मा काठमाडौको उत्तरी भेगमा प्रमुख अतिथिको रुपमा उपस्थित भएका उनले यस पटकको निर्वाचनमा जनताले नेपाल निर्माण एकिकृत कम्युनिस्ट आन्दोलनले मात्र गर्न सक्ने बताएका हुन् ।
आफु पहिलो पटक तारेभिर क्षेत्रमा आएको भन्दै त्यस क्षेत्रमा विकासको कार्यले गति लिदै गरेको देखेर खुसि लागेको बताउदै तारेभिर धेरै किसिमले महत्वपूर्ण रहेको बताए ।
उनले यस क्षेत्रमा रक क्लाइम्बिङ र पर्यटनको प्रचुर सम्भावना रहेको बताए । दाहालले यस भेगमा पर्यटकीय केन्द्र बनाउन सकिने सम्भावना रहेकोले त्यसका लागि सबैले पहल थाल्नु पर्ने बताए ।
काठमाडौं उपत्यका का सबै भूभाग देख्न सकिने र यहाँ सुर्योदय र सुर्यास्त हेर्नेको भिड लाग्ने भन्दै उनले यसका लागि पूर्वाधार विकासमा गुणस्तरीय काम हुनुपर्ने धारणा राखेका थिए ।
घ्यु चाकु खादै दाहालले स्थानीय उत्पादनको प्रयोगले मात्र क्षेत्रको विकास हुने भन्दै तारेभिर क्षेत्रको विकासका लागि आफुले पहल गर्ने आस्वासन दिएका थिए ।
