बुढानिलकण्ठ नगरपालिकाले विभिन्न वडाका योजना अनुगमन गर्यो

कपन अनलाइन

काठमाडौ,पौष ३०।

बुढानिलकण्ठ नगरपालिकाको एक टोलीले आज वडा नं २,३,४,५,६,७,८,९,१० र १२ मा योजनाहरुको अनुगमन गरेको छ। बुढानिलकण्ठ नगरपालिकाकी उपप्रमुख रमा राईको नेतृत्वमा  बुनपा वडा नं २ का सदस्य राजेन्द्र श्रेष्ठ ,वडा नं १२ का सदस्य चन्द्रमान श्रेष्ठ ,नगरपालिकाका इन्जिनियर बिजेन्द्र श्रेष्ठले योजनाको अवस्था र कार्यप्रगती बारेमा जानकारी लिएका थिए।

नगर परिषद नजिकिदै गर्दा योजना अनुगमनलाई बढाएको नगरपालिकाले चाडै नगर परिषद गर्दैछ।स्थानीय तहको निर्वाचन भए पश्चातको  ८ महिनामा भएका कामहरु र आगामी योजना निर्माणको लागि आसन्न नगर परिषद निकै महत्वपूर्ण रहेको छ।

यसका साथै जनप्रतिनिधिले प्रतिवद्दता गरेका भौतिक विकास र सामाजिक बिषयहरुमा नीति निर्माण गर्न यो परिषद महत्वपूर्ण रहेको छ।