मोटरसाइकले ठक्कर दिदा ३ वर्षिय बालिकाको मृत्यू

कपन अनलाइन 

बाजुरा,पौष २५ ।

बाजुराको सदरमुकाम मार्तडीबाट बुढीगंगा नगरपालिका जाँदै गरेको से ५ प ७३७४ नम्बरको मोटरसाईकलले ठक्कर दिदा ३ वर्षिया बालिकाको मृत्यु भएको छ । मृत्यू हुनेमा सोही नगरपालिका ३ का लालबहादुर नेपालीकी तिन वर्षिया छोरी आरजु नेपालीको मृत्यू भएको हो । बूढीगंगा नगरपालिका–३ ताप्रीसेरा नजिकै सोमबार बेलुका ३ वर्षिया नेपालीलाई मोटरसाइकलले ठक्कर दिएको थियो ।

मोटरसाइकलले ठक्कर दिँदा गम्भीर घाइते भएकी नेपालीको अछामको बयलपाटा अस्पतालमा उपचारका क्रममा मृत्यु भएको जिल्ला प्रहरी कार्यालय बाजुराले जनाएको छ । मोटरसाइकल चालक प्रकाश सार्कीलाई प्रहरीले नियन्त्रणमा लिएको छ ।