दुर्लभ वन्य जन्तु रेड पाण्डाको छाला सहित चार जना पक्राउ
कपन अनलाइन
काठमाडौं,पौष २५ ।
दुर्लभ वन्यजन्तु रेडपाण्डाको छालाको कारोवार गर्ने व्यक्तिहरुको बारेमा गोप्य सुचना प्राप्त भई कारोवारमा संलग्न रहेका व्यक्तिहरुको निग्रानी तथा खोजतलास गर्ने क्रममा खटिएको प्रहरी टोलीले टोखा नगरपालिका वडा नं.९ आनन्दटोलबाट ओखलढुंगा जिल्ला मानेभन्ज्याङ गांउपालिका वडा नं.४ का उद्धब बस्नेत,ओखलढुंगा मानेभन्ज्याङ गांउपालिका वडा नं.४का बिष्णु बहादुर बस्नेत, नुवाकोट ककनी गांउपालिका वडा नं.५ का राजेन्द्र तामाङ र रामेछाप मन्थली न.पा. वडा नं.४ का ध्रुव कुमार खत्री समेत ४ जनाको साथबाट विक्री वितरण गर्ने उद्देश्यले लिई हिंडिरहेको अवस्थामा २५ ईन्च लम्बाई र १२ ईन्च चौडाई भएको दुर्लभ वन्य जन्तु रेडपाण्डाको छाला थान-१ र १३ ईन्च लम्बाई भएको रेडपाण्डाको पुच्छर थान-१ समेत पक्राउ गरेको छ।
निजहरुलाई आवश्यक कानुनी कारवाहीको लागि जिल्ला वन कार्यालय हात्तिसार काठमाण्डौं पठाईएको प्रहरीले जनाएको छ ।
