दोलखामा ट्याक्टर दुर्घटना, ४ जना घाइते

कपन अनलाइन

काठमाडौ,पौष १८ ।
दोलखाको कालिन्चोक गाउँपालिका ७ नेवारे साउनेपानीमा गएराति १० बजे अनटेष्ट लेखिएको ट्याक्टर दुर्घटना हुँदा ४ जना घाइते भएका छन् । घाइते हुनेमा ट्याक्टरमा सवार कालिन्चोक गाउँपालिका ९ का २२ वर्षीय पर्वत सेढाईं, २३ वर्षीय मुरारी सेढार्इं, १३ वर्षीय बालक पुजन सेढाईं र कालिन्चोक ८ का १८ वर्षीय सरोज सिवाकोटी रहेका छन् ।

घाइते सबैलाई उपचारको लागी चरिकोट पठाइएको छ । घाइते मध्ये २ जनाको अवस्था भने गम्भिर रहेको छ । दुर्घटना पश्चात फरार रहेका चालकको खोजी भैरहेको प्रहरीले जनाएको छ ।