ओखलढुंगाबाट निर्वाचित तिन सांसदहरुलाई काठमाडौमा बधाई दिईयो
कपन अनलाइन
काठमाडौ,पौष ८
नेकपा एमाले ओखलढुंगा काठमाडौं सम्पर्क मंच र नेकपा माओवादी केन्द्र ओखलढुंगा काठमाडौं सम्पर्क समितिको संयुक्त आयोजनामा ओखलढुंगा बाट निर्वाचित प्रतिनिधि सभा तथा प्रदेस सभा क्षेत्रमा निर्वाचित सदस्यहरुलाई बधाई ज्ञापन कार्यक्रम सम्पन्न भएको छ।
नेकपा माओवादी केन्द्रका नेता नारायणकाजी श्रेष्ठको प्रमुख आतिथ्यता मा भएको सो कार्यक्रममा ओखलढुंगा जिल्ला प्रतिनिधि सभा क्षेत्रमा निर्वाचित सांसद यज्ञराज सुनुवार , नेकपा माओवादी केन्द्रका नेता एबम झापा क्षेत्र नं १ बाट प्रतिनिधि सभा क्षेत्रमा निर्वाचित सांसद राम कार्की ,ओखलढुंगा जिल्ला प्रदेस क्षेत्र क बाट निर्वाचित अम्बिरबाबु गुरुङ ,प्रदेस क्षेत्र ख बाट निर्वाचित मोहन बहादुर खड्का , नेकपा एमाले ओखल ढुंगाका नेताहरु किशोर अधिकारी ,केदार राज पुडासैनी ,सुरेन्द्र बोगटी ,शंकर बहादुर कार्की ,नानीबाबु बुढाथोकी ,समानुपातिक तर्फ बाट सांसद रणकुमारी मगर,तिर्थ सुवेदी ,कुमार घिमिरे तथा नेकपा माओवादी केन्द्रको विभिन्न कमिटीमा कार्यरत नेताहरुको उपस्थिति रहेको थियो ।
कार्यक्रममा बिजयी हुने प्रतिनिधि सभा तथा प्रदेस सभा क्षेत्रका सदस्यहरुलाई खादा तथा माला लगाएर बधाई ज्ञापन गरिएको थियो ।
कार्यक्रममा वक्ताहरुले अहिलेको राजनीतिक परिस्थिति र आगामी दिनको वारेमा आफ्नो धारणा राख्दै बिजयी उम्मेदवारहरुलाई बधाई दिएका थिए ।
२०७० शालको संविधान सभाको निर्वाचनमा ओखलढुंगा क्षेत्र नं १ बाट र २०७४ शालको निर्वाचनमा एक क्षेत्र बनेको ओखलढुंगा बाट विजयी बनेका यज्ञराज सुनुवार कार्यक्रमको केन्द्र बिन्दु रहेका थिए । उनको उपस्थिति भए संगै कार्यक्रम स्थलमा उनको आगामी दिनमा केन्द्र बह्ग्को राजकीय स्थानमा प्रतिनिधित्व हुनुपर्ने चर्चा पनि चलेको थियो ।
ओखलढुंगा जिल्ला बाट काठमाडौं आइ वसोवास गर्ने हरुको बाक्लो उपस्थिति रहेको कार्यक्रमको अध्यक्षता ओखलढुंगा काठमाडौं सम्पर्क मंच का अध्यक्ष चन्द्र राईले गरेका थिए ।
