नेपाल तरुण दल काठमाडौं क्षेत्र नं ५ को बृहत तरुण भेला सम्पन्न
कपन अनलाइन
काठमाडौ,मंगसिर १४ ।
प्रतिनिधि सभा र प्रदेश सभाको चुनाबको मिती नजिकदै गर्दा बिभिन्न राजनीतिक दलहरु आफ्ना कार्यक्रम गर्दै रहेको मौकामा काठमाडौँ क्षेत्र न ५ तरुण दलले बृहत युवा भेला आजोजना गरेको छ ।
क्षेत्र न ५ तरुण दलका अध्यक्ष् तेजेन्द्र गुरुङको सभापतित्वोमा संचालन गरिएको कार्यक्रममा निर्बाचन क्षेत्र न ५ का युवाहरु सहभागी भएका थिए ।कार्यक्रमलाई सम्बोधन गर्दै क्षेत्र न ५ युवा परिचालन कमिटीका सयोजक श्याम खड्काले तरुणहरुको उपस्थितिले उर्जा मिलेको बताउदै आगामी २१ गते हुने निर्बाचनमा नेपाली कांग्रेसलाई बिजयी बनाउन आव्हान गरे ।
कार्यक्रममा प्रदेश सभा क की उम्मेद्वार रमा देबी गुरागाईले युवा बर्गको सक्रियता देखेर आफु खुशी भएको र राजनीतिलाई सहि दिशातर्फउन्मुख गराउन युवाको भूमिका अहम रहेको बताउदै सबै तरुणहरुको आव्हान रुखमा मतदान गर्न आव्हान गरेकी थिइन् ।
त्यस्तै प्रदेश सभा ख का उम्मेद्वार रमेश कुमार खड्काले तरुणहरुको उपस्थिथि देख्दा आफुलाई आफ्नो तरुण अवस्था याद आएको स्मरण गर्दै युवाहरुमा भएको जोश र जाँगर २१ गतेको निर्बाचनमा प्रयोग गरि नेपाली कांग्रेसलाई जिताउन आग्रह गरेका थिए |
कार्यक्रममा आफ्नो मन्तब्य राख्दै सभापति तेजेन्द्र गुरुङ्गले युवाहरु कसैको बहकाउमा नलागी सही र गलत आफुले मुल्यांकन गर्दै लोकतन्त्रलाई जिताउनेमा आफु आशाबादी रहेको बताएका थिए ।
कार्यक्रममा बोल्दै प्रतिनिधी सभाका उम्मेद्वार डा. प्रकाश शरण महतले युवा एकता आजको अपरिहार्यता भएको हुदाँ उपस्थित युवाहरुले आफ्ना साथीहरुलाई समेत लोकतन्त्रको पक्ष्मा उभिन सम्झाउन अपिल गर्नु भएको थियो ।
