कि विमलेन्द्र निधि छैनन कि म छैन : रामहरी खतिवडा
कपन अनलाइन
रुम्जाटार ,कार्तिक २६
नेपाली कांग्रेसको तर्फ बाट ओखलढुंगा जिल्लामा प्रतिनिधि सभाका उम्मेदवार रामहरी खतिवडाले सुनकोशी पुलको प्रसंग निकाल्दै कांग्रेसका नेता विमलेन्द्र निधिलाई कि निधि छैनन कि म छैन भनेको बताएका छन ।
ओखलढुंगा जिल्लाको रुम्जाटारमा भएको चुनावी सभालाई सम्बोधन गर्दै उनले यो कुरा बताएका हुन ।उनले आफ्नो सम्बोधनको क्रममा ओखलढुंगा जिल्लाको पूर्वी भागको मेरुदण्डको रुपमा रहेको सुनकोशी पुल निर्माणमा भएको ढिलासुस्ती हटाइ चाडो पुल निर्माण गर्नुपर्ने प्रसंगमा निधिलाई ओखलढुंगा कांग्रेसका नेता स्व. वलबहादुर राइको सालिक मुनि बसेर यो कुरा राखेको बताएका थिए ।
खतिवडाले आफ्नो सम्बोधनको क्रममा ओखलढुंगा जिल्ला सहिदहरुको रगतले सिंचित रहेको भन्दै त्यो रगतको सम्मानका लागि कांग्रेसलाई मत दिनु पर्ने बताएका थिए ।खतिवडा २०७० शालको संविधान सभाको निर्वाचनमा ओखलढुंगा जिल्ला क्षेत्र नं २ बाट निर्वाचित भएका थिए ।
