कृष्ण राई र रामेश्वर फुयालले सुन्दरीजलको सिरानमा गएर के भने ?
कपन अनलाइन
काठमाडौ,कार्तिक २४ ।
काठमाडौं क्षेत्र नं ३ मा बाम गठवन्धनका तर्फ बाट प्रतिनिधि सभा क्षेत्र उम्मेदवार कृष्ण राई र प्रदेस क्षेत्र २ का उम्मेदवार रामेश्वर फुयाल गोकर्णेश्वर नगरपालिका वडा नं १ मा भेटघाट र घर दैलोमा व्यस्त रहेका छन ।
आज कार्तिक २४ गते बाम गठवन्धनका उम्मेदवार हरुले गोकर्णेश्वर नगरपालिका वडा नं १ गोकर्णेश्वर नगरपालिका वडा नं १ को चिलाउने ,मुलखर्क क्षेत्रमा स्थानीय संग अन्तरकृया गरेका थिए ।उनीहरु संगै भेटघाटमा नेकपा एमालेका नेता विश्वनाथ प्याकुरेल र नेकपा माओवादी केन्द्रका नेता कृष्ण केसी पनि सहभागी थिए।
भेटघाटमा यातायातको सुविधाको लागि पहल गर्ने र अहिले भएको बाटो सुधारका लागि नेपाल सरकार संग माग गर्ने विषयमा छलफल भएको घर दैलोमा सहभागी एक नेताले बताए ।
सुन्दरीजलको माथिल्लो क्षेत्रमा सहज यातायातको व्यवस्था नहुदा स्थानीय हरुले निकै कस्ट भोग्नु परेको र त्यसको समाधानमा लाग्न भोट माग्न गएका नेताहरुलाई स्थानीयहरुले अनुरोध गरेको एक स्थानीयले बताए ।
उक्त भेटघाटमा मत माग्न गएका राई र फुयालले स्थानीयको समस्या समाधानमा तदारुकताका साथ लाग्ने आश्वसन दिएका थिए भने उनीहरुले त्यस क्षेत्रको विकासका योजना पनि राखेका थिए ।
