रियल मड्रिडसंग लास पालमस ३–० ले पराजित

कपन अनलाइन 

काठमाडौं, २० कात्तिक। ला लिगा फुटबल अन्तर्गत आइतबार राति भएको खेलमा रियल मड्रिडले लास पालमसलाई ३–० ले हराएर प्रभावशाली जित दर्ता गरेको छ ।घरेलु मैदानमा भएको खेलमा रियल मड्रिडको जितमा कासेमिरो, मार्को एसेन्सिओ र इस्काले गोल गरे। ४१ औं मिनेटमा कासेमिरोलो गोल गर्दै रियललाई सुरुवाति अग्रता दिलाए ।

दोस्रो हाफको ५६ औं मिनेटमा मार्को एसेन्सिओले ३० यार्डबाट प्रहार गरेको रकेट सटमार्फा भएको गोल ला लिगामा यो सिजनमा अहिलेसम्मकै उत्कृष्ट गोल रहेको विश्लेषण गरिएको छ । त्यस्तै, ७४ औं मिनेटमा इस्कोको गोल गरे ।

जितपछि तेस्रो स्थानको रियलको ११ खेलबाट २३ अंक भएको छ । रियल शीर्ष स्थानको बार्सिलोना भन्दा ८ अंकले पछि छ भने दोस्रो स्थानको भ्यालेन्सिया भन्दा चार अंकले पछि छ ।राति नै भएका अरु खेलमा जिरोनाले लेभान्टेलाई २–१ तथा सेल्टा डि भिगोले एथ्लेटिको बिल्बाओ र रियल सोसिडाडले एइबरलाई समान ३–१ ले हराए । यस्तै भिल्लारियलले मालागालाई २–० ले हरायो ।