आदिनाथ मन्दिरमा एकमहिने मेला शुरु

कपन अनलाइन 

काठमाडौं ,असोज १९।

काठमाडौँको दक्षिण भेगस्थित आदिनाथको मन्दिरमा आजदेखि एकमहिने मेला शुरु भएको छ ।

प्रत्येक वर्ष आश्विन शुल्क पूर्णिमादेखि कात्तिक शुल्क पूर्णिमासम्म मेला लाग्ने गर्दछ । मेला भर्नका लागि काठमाडौँ उपत्यका तथा त्यस आसपास क्षेत्रबाट भक्तजन आउने गर्दछन् ।

उक्त मन्दिरमा मेला भरेमा ठूलाठूला रोग नलाग्ने, कुष्टरोग निको हुने जनविश्वास छ । पारिवारिक सुख, समृद्धि कायम हुने स्थानीय बूढापाका बताउँछन् ।

आदि नर र आदि नारीका रुपमा अभिव्यक्त भएको मूर्तिलाई आदिनाथ भनेर पुज्ने गरिन्छ । पुजारी सरोज शाक्यका अनुसार उक्त स्थानमा प्रत्येक वर्ष चैतेदशँैका दिन पनि मेला लाग्ने गर्दछ । यो एक महिनाको अवधिमा भक्तजन निर्जला वर्त पनि बस्ने गर्छन् ।

पुरातत्व विभागले मन्दिर जीर्ण भएका कारण मर्मत सम्भार पनि गरेको छ ।