फिल्म ‘मंगलम’को पहिलो गीत सार्वजनिक

असोज ११ गतेलाई रिलिजको तयारीमा  रहेको  फिल्म ‘मंगलम’को पहिलो गीत सार्वजनिक भएको छ । मंगलवार औपचारिक प्रदर्शन मिति घोषणासँगै फस्ट लुक पोष्टर सार्वजनिक गरेको निर्माण टिमले बुधवार फिल्ममा समावेश लोक लयको ‘पर्ख पर्ख’ बोलको सार्वजनिक गरेको हो । यस  गीतमा कृष्ण काफ्ले र विन्दु परियारको स्वर छ भने दिपक शर्माको शब्द-संगीत सुन्न सकिन्छ । शिल्पा पोखरेल र पुष्प खड्का छमछम नाचेको गीतको भिडियाका कोरियोग्राफर कविराज गहतराज हुन् ।

नायिका शिल्पा पोख्रेल प्रस्तुतकर्ता रहेको फिल्मका कार्यकारी निर्माता छविराज ओझा हुन् । फिल्मलाई नवल नेपालले निर्देशन गरेका हुन् । फिल्ममा शिल्पा र पुष्पका अलावा पृथ्वीराज प्रसाई, नीर शाह, मिथिला शर्मा लगायतका कलाकारहरुको मुख्य भूमिका छ ।

फिल्मको निर्मातामा दिजेन्द्र शाक्य, साकार ओझा र ओम गुरुङ रहेका छन् भने विष्णु घिमिरेको छायाँकन, दिपक शर्माको संगीत, गोविन्द फुँयालको कथा, कविराज गहतराजको नृत्य निर्देशन रहेको छ । यो फिल्म असोज ११ गते ‘छक्का पन्जा २’ सँग भिडन्त गर्दैछ ।

तपाइँको प्रतिक्रिया ।