भाद्र ३१ गते धरानमा क्रसकन्ट्री साइकलिंग प्रतियोगिता हुने

कपन अनलाइन 

काठमाडौ,भाद्र २० ।

यही भाद्र ३१ गते धरानमा क्रसकन्ट्री साइकलिंग प्रतियोगिता हुने भएको छ । विश्व पर्यटन दिवसको अवसर पारेर नेपाल साइकलिंग संघले उक्त प्रतियोगिता आयोजना गर्न लागेको हो ।

प्रतियोगिता खुल्ला र १९ वर्ष मुनि दुई समुहमा हुने र दुवै समुहमा प्रथम ,दितीय र तृतीय हुनेलाई क्रमश ५० हजार,३० हजार र २० हजार नगद पुरस्कार प्रदान गरिने संघका केन्द्रिय सदस्य सन्तोष लुइटेलले बताए ।

यस प्रतियोगितमा देश भर बाट करिव २ सय प्रतियोगीले भाग लिने र प्रतियोगिता धरानको पन्चकन्या मन्दिर र विजयपुर दरवार क्षेत्रमा हुने संघका अध्यक्ष जीवन राईले बताए ।

नेपाल साइकलिंग संघले यस अघी काठमाडौको चोभारमा पनि साइकलिंग प्रतियोगिता गरिसकेको छ।