प्रथम मांडू मैत्रीपूर्ण तेक्वान्डो प्रतियोगिता सम्पन्न

कपन अनलाइन 

काठमाडौ,भाद्र १९।

प्रथम मांडू अन्तर विद्यालय मैत्रीपूर्ण तेक्वान्डो प्रतियोगिता सम्पन्न भएको छ । बुढानिलकण्ठ नगरपालिका वडा नं १० मा रहेको मांडू मावी द्वारा आयोजित प्रतियोगिताको समापन कार्यक्रम काठमाडौ जिल्ला खेलकुद विकास समितिका अध्यक्ष धुर्वराज न्यौपानेको प्रमुख अतिथ्यता र वडा नं १० का अध्यक्ष नवराज भट्टराईको विशेष आतिथ्यतामा विद्यालय प्रांगणमा सम्पन्न भएको हो ।

प्रतियोगितामा विश्व निकेतन मावीका सरोज मगर छात्र तर्फ र थ्री स्टार स्कूलकी पुजन शेर्पा छात्रा तर्फ उत्कृस्ट खेलाडी घोसणा भएका थिए । विद्यालय तर्फ एनटिए ,मांडू र तारा सदन क्रमसः प्रथम ,दितीय र   तृतीय भएका थिए । प्रथमले ५ स्वर्ण ,२ रजत र २ कास्य ,दितियले ४ स्वर्ण,३ रजत र २  कास्य र तृतीय हुने विद्यालयले ३ स्वर्ण ,१ रजत र १ कास्य प्राप्त गरेका थिए ।