अन्तर्राष्ट्रिय गोल संख्यामा पेलेलाई उछिने रोनाल्डोले

कपन अनलाइन 

एजेन्सी, १६ भदौ । पोर्चुगिज क्याप्टेन क्रिस्चियानो रोनाल्डोले अन्तर्राष्ट्रिय गोल संख्यामा फुटबल बादशाह पेलेलाई उछिनेका छन् ।

विश्व कप छनौटका लागि फारो आइल्याण्ड र पोर्चुगलबीचको खेलमा रोनाल्डोले ह्याट्रिक गरेका थिए । यससँगै उनले आफ्नो देश पोर्चुगलका लागि गरेको गोल संस्था ७८ पुगेको छ । रोनाल्डोले पेलेका भन्दा १ गोल बढी गरी उनलाई उछिनेका हुन् ।

तर आफ्नो देशका लागि सबैभन्दा बढी अन्तर्राष्ट्रिय गोल गर्ने खेलाडीको सूचिमा भने रोनाल्डो पाँचौ स्थानमा छन् । उनीभन्दा माथि अलि डाई (१०९ गोल), फेरेङक पुस्कस(८४ गोल), कुनिशिगे कामामोतो (८० गोल) र गडफ्रे चितालु (७९ गोल) रहेका छन् ।