यसरी खर्च गरियो डा.राजन भट्टराईको सांसद विकास कोषको रकम
कपन अनलाइन
काठमाडौ,साउन २
काठमाडौ निर्वाचन क्षेत्र नं ४ का सांसद डा. राजन भट्टराईको सांसद विकास कोष र निर्वाचन क्षेत्र पूर्वाधार विकास कोष अन्तर्गत क्षेत्रका विभिन्न योजना तथा कार्यक्रमहरुमा बजेट बिनियोजन भएको थियो । सांसद विकास कोष अन्तर्गत ४८ लाख ५० हजार रुपैया क्षेत्र नं ४ मा खर्च गरिएको छ भने पूर्वाधार विकाश कोष अन्तर्गत १२ वटा योजनाहरुमा रकम उपलव्ध गराइएको छ।
आर्थिक वर्ष २०७३/०७४ मा सांसद विकास कोष र निर्वाचन क्षेत्र पूर्वाधार विकास कोष अन्तर्गत खर्च भएको रकमहरुको विवरण यहाँ प्रस्तुत गरिएको छ ।
आर्थिक वर्ष २०७३/०७४ मा भौतिक विकास निर्माण तर्फ सांसद विकास कोषबाट भएको रकम बिनियोजन र योजनाहरु
- बुढानिलकण्ठ नगरपालिका वडा नं २ बदेली –तारेभिर मूल सडक -३ लाख
- जय भद्रकाली प्रारम्भिक विद्यालय बुनपा १ ब्लक ओछ्याउने -३ लाख
- बुनपा वडा नं १३ ग्वाली टोल बाटो सुधार -१ लाख
- बुनपा वडा १३ करुणा माई चोक –गणेश मन्दिर बाटो -२ लाख
- बुनपा वडा नं १३ कभर्ड हल -२ लाख
- बुनपा ९ सृजना वस्ती खानेपानी आयोजना -१ लाख ५० हजार
- बुनपा वडा नं ९ सुर्योदय वस्ती रिटेनिंग वाल-३ लाख
- बुनपा १० कुमारी मन्दिर भित्रि बाटो -१0 लाख
- कामपा वडा नं ७ गणेश मन्दिर र कुमारी मन्दिर पुननिर्माण -२ लाख
कामपा ७ गौरी नगर डिप बोरिंग -१ लाख
निर्वाचन क्षेत्र पूर्वाधार विकास कोष अन्तर्गत रकम बिनियोजन भै सम्पन्न भएका योजनाहरु
- कामपा ७ कुमारीगाल सार्वजनिक जग्गा संरक्षण -१० लाख (जिसस )र शान्ती मन्त्रालय वाट ५ लाख र सहरी विकास मन्त्रालय बाट ५ लाख
- कामपा ८ सोलार बत्ती जडान -१० लाख (जिसस )
- बुनपा ९ हाम्रो पसल –राधा कृष्ण मन्दिर बाटो ढलान -१० लाख
- कामपा ८ सिटू गल्ली बाटो पिच -१० लाख
- बुनपा १२ खानेपानी तेन्जिंग चोक –मुस्कान चोक –बाल कुमारी चोक -१० लाख
- कामपा ७ हिमालय स्कूल नजिक भित्रि बाटा -१० लाख
- कामपा वडा नं ३० मैतीदेवी मन्दिर पछाडी ढल सुधार र बाटो मर्मत -१० लाख
- कपन बहुमुखी क्याम्पस भौतिक निर्माण तथा प्रसासनिक सुधार-२२ लाख
- बुनपा वडा नं १ सोलार बत्ती -१० लाख
- बुनपा ११ गैरी गाउ –गणेश मन्दिर -१० लाख
- बुनपा १३ नौलीन मावी -१५ लाख
निर्वाचन क्षेत्र नं ४ मा जनचेतना ,सर सफाई ,शिप विकास , युवा विकास र सशक्तिकरणका लागी विभिन्न सामाजिक संघ संस्थाहरुलाई बिनियोजन गरिएको रकम विवरण यस्तो छ।
- सुर्योदय खेलकुद सोसाइटी -६ लाख
- ह्यान्ड इन ह्यान्ड फाउन्डेसन -५ लाख
- महिला मैत्री समुह -२ लाख
- विद्यार्थी सरोकार सामाज -२ लाख
क्षेत्र भित्र माथिका योजनाहरुको प्रभावकारिता हेरेर अनुगमन गरी कार्य मुल्यांकन विवरण तयार पारी आगामी बजेटमा अन्य स्थानका योजना तथा कार्यक्रमहरु संचालन गर्ने सांसदको कार्यालय क्षेत्र नं ४ ले बताएको छ ।
