बुढानिलकण्ठ नगरपालिका वडा नं १० ले राष्ट्रिय धान दिवस मनायो

कपन अनलाइन

काठमाडौ,असार १६

बुढानिलकण्ठ नगरपालिका वडा नं १० ले राष्ट्रिय धान दिवसको अवसरमा रोपाई कार्यक्रम आयोजना गर्यो । वडाको बालुवा खानीमा भएको सो कार्यक्रमा मा वडा अध्यक्ष नवराज भट्टराई प्रमुख अतिथि रहेको सो कार्यक्रमामा वडाका सदस्य चन्द्रमान श्रेष्ठ ,भुव प्रसाद रेग्मी , महिला सदस्य रीता दाहाल , दलित महिला सदस्य दिलकुमारी बिक लगायत को उपस्थिति रहेको थियो  ।

वडा अध्यक्ष भट्टराईले धानको बिउ रोपेर  उदघाटन गरिएको  कार्यक्रममा वडाका महिला समुह , टोल सुधार समिति विभिन्न राजनीतिक दलका प्रतिनिधिहरुले उत्साहपूर्ण सहभागिता जनाएका थिए  ।

“यो कार्यक्रम हामीले नगर प्रमुख को बाजो जमिन नराख्ने जुन अभियान छ त्यसलाई सार्थक बनाउन आयोजना गरेका हौ ” ,अध्यक्ष भट्टराई ले कपन अनलाइन लाई बताए  । यसलाई  अभियानकै रुपमा विकास गरेर नगरपालिकाका खाली जग्गाहरुको उपयोग गर्ने र उत्पादन बढाउदै यस नगरलाई पर्यटन तथा  कृषि पकेट क्षेत्र निर्माण गर्ने हाम्रो उदेश्य छ उनले थपे  ।

कार्यक्रमका संयोजक चन्द्र मान श्रेष्ठले आगामी दिनमा पनि विभिन्न रचनात्मक गतिविधिलाई प्राथमिकतामा राख्दै वडालाई नमुना बनाउने बताए  ।