कपिलसँगको झगडापछि अब यहाँ गर्नेछन् सुनिलले प्रदर्शन

कपन अनलाइन 

मुम्बई । भारतीय संचार मिडियामा प्रकाशित  समाचार अनुसार ‘द कपिल शर्मा शो’ मा डाक्टर मशहूर गुलाटीको भूमिका निभाएका सुनिल ग्रोवर र कपिल शर्माबीच तनाव बढ्दै गएको छ । सुनिल झगडापछि कपिलको शो मा समेत उपस्थित भएनन् । अब कपिलको शो मा सुनिल आउने सम्भावना नरहेको चर्चा चलिरहँदा सुनिल ग्रोवरले भने अप्रिल १ मा नयाँ दिल्लीमा लाइभ प्रदर्शन गर्ने भएका छन् ।

सुनिल ग्रोवरसँगै किकू शारदाले समेत प्रदर्शन गर्ने भएका छन् । केहि दिन अगाडि कपिल शर्मा र सुनिल ग्रोवरको विमानमा झगडा भएको थियो । सुनिल ग्रोवरले फेसबुकमार्फत दिल्लीमा प्रदर्शन गर्न लागेको जानकारी दिएका हुन् ।

उनले कमेडी शो को नाम ‘डाक्टर मशहूर गुलाटीज कमेडी क्लिनिक’ रहनेछ । उक्त कार्यक्रम स्थित तालकटोरा स्टेडियममा हुनेछ ।