ह्याण्डबल चौरमा नारी दिवस मनाइयो

कपन अनलाइन 
हरेक वर्षझैँ यो वर्ष पनि कपनको ह््याण्डबल चौरमा ्नारी दिवस कार्यक्रम गरिएको छ । सरकारले दिएको सार्वजनिक विदाको उपयोग गर्दै बुनपाको सहयोगमा आयोजित कार्यक्रममा बिभिन्न वक्ताहरुले नारी हकहितका बारेमा बोलेका थिए ।

कपनका संयुक्त महिला समूहले आयोजना गरेको कार्यक्रममा अम्भुभवानी कार्की प्रमुख अतिथिको रुपमा उपस्थिति थिइन् । कार्यक्रममा कार्कीले नारीहरु एक भएर विकासका पाटोमा लाग्नु पर्ने बताइन् । कार्यक्रममा विशेष अतिथिका रुपमा मञ्चभरी नगरपालिकामा चिनिएका राजनीतिक दलका पुरुष नेताहरु उपस्थित थिए ।
उपस्थित पुरुष विशेष अतिथिहरुले पनि नारी हकहितमा आफ्ना वचनहरु पोखेका थिए । कार्यक्रमको संयोजक विमला सेढाइँले गरेकी थिइन् । सेढाइले कपनका महिला समूहहरुको एकतामा जोड दिँदै नारीहरु विकास केन्द्रित अभियानमा जोडिनु पर्ने बताएकी थिइन् । कार्यक्रममा गीत संगीत पनि प्रस्तुत गरिएको थियो ।