दुर्घटनामा चालकको मृत्यु

कपन अनलाइन 

बनेपा, १४ फागुन । काभ्रेपलाञ्चोकको महादेवस्थान गाविस–९ मा आज भएको ट्र्याक्टर दुर्घटनामा चालकको घटनास्थलमा नै मृत्यु भएको छ ।

स्थानीय महादेवस्थानबाट हिगुवापाटी जाँदै गरेको ना५त ३८५१ नंको ट्र्याक्टर अनियन्त्रित भई पल्टिँदा महादेवस्थान गाविस–९ का ४५ वर्षीय कृष्णबहादुर राई दनुवारको मृत्यु भएको जिल्ला प्रहरी कार्यालय धुलिखेलका प्रहरी नायब उपरीक्षक नवीनराज राईले जानकारी दिनुभयो । उनले मदिरासमेत सेवन गरेर ट्र्याक्टर चलाएको बताइएको छ । रासस