लुइँटेल र गुरुङ क्षेत्रीय सदस्यमा मनोनित

कपन अनलाइन, काठमाडौँ, जेठ १४, २०७३

नेका क्षेत्र नं. ४ का सभापति राजु श्रेष्ठले क्षेत्रीय सदस्यमा रामप्रसाद लुइँटेललाई नियुक्त गरेका छन् । बुनपा वडा नं. १२ मा क्षेत्रीय प्रतिनिधि लुइँटेल कपन क्षेत्रका अगुवा कांग्रेसी नेता हुन् । क्षेत्रीय अधिवेशनमा सदस्य पदमा पराजित भएका लुइँटेल इकाई अधिवेशनमा सर्वाधिक मत ल्यएर क्षेत्रीय प्रतिनिधि भएका थिए । त्यसैगरी आमन्त्रित क्षेत्रीय सदस्यमा वडा नंं ३३ का प्रकाश गुरुङलाई मनोनित गरिएको छ । क्षेत्र नं. ४ पुराना कांग्रेसी अगुवामध्येका गुरुङको मनोनयनसँगै युवाहरुलाई गोलबद्ध गर्न सजिलो हुने बताइएको छ भने वडा नं. १ का सुदर्शन राज विष्टलाई पनि आमन्त्रित क्षेत्रीय सदस्य पदमा मनोनित गरिएको जनाइएको छ ।