कपनबाट ठूलो परिमाणमा लागू औषध सहित १ प्रकाउ
कपन अनलाइन चैत्र ३ गते / महानगरीय प्रहरी प्रभाग कपनको टोलीले ठूलो मात्रामा लागू औषध सहित १ जनालाई प्रकाउ गरेको छ ।
सिन्धुपाल्चोक जिल्ला बाह्रबिसे घर भई बूढानीलकण्ठ नगरपालिका १४ मुस्कान चोक नजिकै डेरा गरी बस्ने वर्ष २५ को रमेश गुरूङ्गलाई प्रहरीले आज दिउँसो नियन्त्रित लागू औषध ‘लुपिजेसिक १०५ थान’, ‘फेनारगन १०५ थान’ र डाईजिपाम १०१ थान’ सहित प्रकाउ गरेको हो ।
विशेष सुराकीका आधारमा प्रहरीले गुरूङ्गको कोठामा छापा मार्दा उक्त परिमाणको लागू औषध सहित प्रकाउ गरेको महानगरीय प्रहरी प्रभाग कपनको प्रहरी निरीक्षक फणिन्द्र रानाभाटले बताए । कपन प्रहरीले थप अनुसन्धानका लागि गुरूङ्गलाई महानगरीय प्रहरी बृत्त बौद्ध पठाएको छ ।
प्रहरीको प्रारम्भिक अनुसन्धानबाट गुरूङ्ग ४ वर्ष कतारमा बसेर ४ महिनाअघि मात्र नेपाल फर्केको बुझिएको छ । उक्त बरामद लागू औषधको न्युनतम बजार मुल्य करिब २ लाख पर्ने पनि प्रहरीले बताएको छ ।
