राष्ट्रिय अपाङ्गता संगठन नेपाल बुढानिलकण्ठको दोस्रो नगर अधिवेशन हुने

कपन अनलाइन
काठमाडौँ, साउन १३।

समानता, न्याय र समावेशीकरणको मूल नाराका साथ क्रियाशील राष्ट्रिय अपाङ्गता संगठन, नेपालको दोस्रो नगर अधिवेशन बुढानीलकण्ठ नगरपालिकामा आयोजना हुन लागेको छ।

कार्यक्रम २०८२ साउन १६ गते, शुक्रबारका दिन बिहान ११:०० बजे सुरु हुनेछ। यस अधिवेशनमा अपाङ्गता भएका व्यक्तिहरूका अधिकार, अवसर र समावेशी विकासका मुद्दाहरूमा व्यापक छलफल र आगामी योजनाको निर्माण गरिने अपेक्षा गरिएको छ।

यस अधिवेशनले अपाङ्गता भएका नागरिकहरूको सामाजिक, आर्थिक र राजनीतिक सहभागिता सशक्त बनाउन महत्वपूर्ण भूमिका खेल्ने विश्वास लिइएको छ। कार्यक्रम बुढानीलकण्ठ नगरपालिकाको संयोजनमा आयोजना गरिनेछ।

सर्वसाधारण, सरोकारवाला निकाय तथा सम्बन्धित संघसंस्थालाई कार्यक्रममा सहभागिता जनाउन आयोजक संस्थाले आग्रह गरेको छ।