संस्कृति इन्टरनेशनल स्कूलको फुटबल टोली डेनमार्कको डाना कपमा सहभागी हुँदै
कपन अनलाइन
काठमाडौं, असार ३२।
संस्कृति इन्टरनेशनल स्कूलको १४ वर्षमुनिको टोली डेनमार्कको डाना कप फुटबल प्रतियोगितामा सहभागी हुने भएको छ । विद्यालयको १४ वर्षमुनिका बालक फुटबल टोलीले आगामीजुलाई २१ देखि २६ सम्म डेनमार्कको ह्योरिङ सहरमा आयोजना हुने विश्वप्रसिद्ध डाना कप सेभेन–ए–साइड प्रतियोगितामा नेपालको प्रतिनिधित्व गर्दै सहभागी हुने भएको हो ।
यो प्रतियोगिता विश्वकै सबैभन्दा अन्तर्राष्ट्रिय युवा फुटबल प्रतियोगिता मानिन्छ, जहाँ यस वर्ष मात्र ४५ भन्दा बढी देशका १,१०० टोलीहरू सहभागीहुँदैछन्। संस्कृति टोलीलाई औरियम स्पोर्ट्स एकेडेमीले प्रशिक्षण र नेतृत्व गरिरहेको छ।
प्रतियोगिताको मुख्य विशेषताः
अन्तर्राष्ट्रिय सहभागिताः हरेक वर्ष २०,००० भन्दा बढी खेलाडी, प्रशिक्षक र रेफ्रीहरू एकै स्थानमा भेला हुन्छन्।
१४ वर्षमुनिको समूहः १०० देखि १५० टोलीसम्म सहभागी हुने यस समूहमाविश्वभरका विद्यालय तथा क्लब टोलीहरूले प्रतिस्पर्धा गर्छन्।पाँचदिन सम्म चल्ने राउन्ड–रोबिन खेलपछि ‘ए’ र ‘बी’ फाइनल खेल हुने व्यवस्था रहेको छ ।
उक्त प्रतियोगिता ५० भन्दा बढी घाँसे मैदान र शटल बस सेवा सहितको सुविधा सम्पन्नपार्क भेन्डियामा खेलहरू सञ्चालन हुनेछ ।
विद्यालयकी संस्थापक निर्देशक दीप्तिआचार्यले भन्नु भयो्, “डाना कपजस्तो अन्तर्राष्ट्रिय मञ्चमा प्रतिस्पर्धा गर्न पाउनु हाम्रा विद्यार्थीहरूको लागि ऐतिहासिक अवसर हो। यसले उनीहरूको प्रतिभा, अनुशासन र फुटबलप्रतिको उत्साह देखाउँछ। हामी केवल एक टोलीमात्र होइन, नेपालका युवाहरूको आत्मविश्वास र एकताको सन्देश बोकेर जान डेनमार्क लागेका हौं।”
त्यस्तै प्रमुख प्रशिक्षक रमेश महर्जनले भने , “हाम्रा खेलाडीहरूले निकै मेहनतपूर्वक तयारी गरेका छन्। यस्तो अन्तर्राष्ट्रिय प्रतियोगिताबाट उनीहरूको सीप निखारिनेछ, सोचाई फराकिलो हुनेछ र खेलप्रतिको बुझाइ अझ गहिरो बन्नेछ। संस्कृति स्कूलले शिक्षा र खेलकुदको सन्तुलनलाई सधैं प्राथमिकता दिएको छ।”
