लुकिङ ग्लास : सिजन श्रेष्ठ (कविता )
कपन अनलाइन
काठमाडौं ,जेष्ठ १०।
तिमीलाई लाग्यो–
लुकिङ ग्लासमा
तिमीले नदेख्ने गरी छेलिएर
म तिमीलाई हेरिरहेको छु ।
मलाई लाग्यो–
लुकिङ ग्लासमा
मेरो आँखा छलेर
तिमी मलाई हेरिरहेकी छ्यौ ।
लुकिङ ग्लासमा हेरिरहेको
न तिमीले मलाई थियो
न मैले तिमीलाई थियो ।
खासमा हेरिरहेको
लुकिङ ग्लासले आफूमा
हामीलाई थियो ।
यत्ति कुरा नबुझेर
हामीले एकअर्कालाई
एकआपसमा समर्पित गरिदियौं–
सधैँ सधैँका लागि ।
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
