बुढानीलकण्ठ नगर अस्पतालमा २४ घण्टा आकस्मिक सेवा सुरु

कपन अनलाइन

काठमाण्डौ, बैशाख १।

नयाँ वर्ष २०८२ को अवसर पारेर बुढानीलकण्ठ नगर अस्पतालले आजदेखि २४ घण्टा आकस्मिक सेवा सुरु गरेको छ।

सेवाको औपचारिक शुभारम्भ नगर प्रमुख मिठाराम अधिकारी, उपमेयर अनिता लामा, नगर प्रवक्ता नवराज भट्टराई, सुशासन समिति संयोजक शम्भु प्रसाद भट्टराई, विभिन्न वडाका जनप्रतिनिधि, प्रमुख प्रशासकीय अधिकृत अजय वर्तौला, अस्पताल निर्देशक डा. सुधांसु झा, अस्पताल विज्ञ परामर्श समिति पदाधिकारीहरू तथा अस्पताल र नगरपालिकाका कर्मचारीहरूको उपस्थितिमा गरिएको थियो।