संविधानमाथि प्रहार भैरहेको छ, कुनै व्यक्तिलाई तानाशाह बनाउने कुरा स्विकार्य हुँदैन : रामहरी खतिवडा
कपन अनलाइन
काठमाण्डौ ,चैत १८।
नेपाली कांग्रेसका प्रभावशाली नेता तथा राज्य व्यवस्था समितिका सभापति रामहरि खतिवडाले नेपालको राजनीतिमा संसद् नहुँदा क्लबले संसद्को भूमिका निर्वाह गरेको स्मरण गराएका छन् । नेपालको प्रजातान्त्रिक आन्दोलनमा असाध्यै महत्वपूर्ण भूमिका खेलेको बताए । पत्रकारितामा ऋषि धमलासँग अभूतपूर्व क्षमता रहेको पनि उनले स्मरण गराए ।
क्लबका २७औं वार्षिकोत्सव समारोहलाई सम्बोधन गर्दै खतिवडाले प्रजातन्त्रको ठूलो मर्म भनेको नै कानूनी राज्य, प्रेस स्वतन्त्र र मानवअधिकार नै रहेको बताए । नेपालको अहिलेको संविधान संसारकै उत्कृष्ट संविधान बनेको उनको दाबी छ । अहिले संविधानलाई बाइपास गरेर फेरि एकतन्त्रीय शासनको लागि कुना कन्तराबाट आवाज उठेको भन्दै यसको लागि मिडियालाई सशक्त बनाउनुपर्नैमा जोड दिए । उनले भने,‘आज देशमा संविधानमाथि प्रहार भैरहेको छ। जनताको सम्पत्ति लुटपाट भएको छ । कुनै व्यक्तिलाई तानाशाह बनाउने कुरा स्विकार्य हुँदैन ।’
