गोकर्णेश्वर नगरपालिका-८ माकलबारीमा एक किशोको शव गाडिएको अवस्थामा भेटियो

कपन अनलाइन

काठमाण्डौ ,चैत १८।

गोकर्णेश्वर नगरपालिका-८ माकलबारीमा रहेको आरके मोटरसाइकल वर्कसप पछाडि रहेका जमिनमा एक किशोरलाई गाडिएको खुलेको हो।

जिल्ला प्रहरी परिसर काठमाडौंका एसपी अपिलराज बोहराका अनुसार यस घटनामा संलग्न ६ जनालाई पक्राउ गरी अनुसन्धान अघि बढाएको छ।

सर्लाही चक्रघट्टा गाउँपालिका-८ घर भई गोकर्णेश्वर बाहुनधारा बस्ने १९ वर्षीय राहुल साहको शव फेला परेको हो। उनी चैत ११ गतेदेखि बेपत्ता थिए। उनको शव चैत १५ गते फेला परेको हो।

साहको हत्या गरेको आरोपमा प्रहरीले बाहुनधारा बस्ने २२ वर्षीय निपु मण्डल, १८ वर्षीय विजय यादव, १८ वर्षीय करनकुमार महतो, २३ वर्षीय जोधन मण्डल, ४५ वर्षीय उत्तम मण्डल र भारतीय नागरिक २९ वर्षीय सुनिल शर्मा पक्राउ परेका हुन्।