चौथो केएमसी अन्तरविद्यालय बास्केटबलमा नेरिक एकेडेमी क्वाटरफाइनलमा

कपन अनलाइन

काठमाण्डौ ,पुस २९।

नेरिक एकेडेमी चौथो केएमसी अन्तरविद्यालय बास्केटबल प्रतियोगिताको जुनियर ब्वाइजमा सोमबार क्वाटरफाइनलमा प्रवेश गरेको छ ।
नेरिकले ग्रिनफिल्डलाई १७–१० ले पराजित ग¥यो । नेरिकको जितमा सविन खत्रीले १२ अंक योगदान गरे । सोही स्पर्धामा एलेन लामाको १६ अंक सहयोगमा कश्यपले पिपुल्स एकेडेमीलाई ३०–१९ ले हरायो ।
सिनियर ब्वाइजमा बाल दिक्षा सदनले मार्वलसलाई ४८–२३, इनोभेटिभले आयोजक केएमसी ‘बी’ लाई ४२–२२ र भद्र घलेले केएमसी ‘ए’ लाई ४८–२९ ले पाखा लगाए । बाल दिक्षा सदनका कृशल महर्जनले २४, इनोभेटिभका पुजन श्रेष्ठले १० र भद्र घलेका दिवस मगरले २१ स्कोर गरे ।
सिनियर गल्र्समा निस्टले केएमसी ‘बी’ लाई ३६–१६, साविक विजेता एनसीसीएसले रिब्सलाई २०–१९ र काठमाडौं शिक्षालयले केयरलाई १५–४ पन्छाए । निस्टकी संस्कृति पौडेलले ११, एनसीसीएसकी ग्रिभा महर्जनले ७ र काठमाडौं शिक्षालयकी दृब्य चित्रकारले ४ अंक जोडे ।