प्याब्सन काठमाण्डौ जिल्लाको सचिवमा कृष्ण भण्डारीको उम्मेद्वारी
कपन अनलाइन
काठमाण्डौ ,पुस २६।
पौष २७ गते सनिवार हुने प्याब्सन काठमाण्डौ जिल्लाको सचिवमा कृष्ण भण्डारीले उम्मेद्वारी दिएका छन। प्याब्सन काठमाण्डौ जिल्ला १६ औं जिल्ला अधिवेशनमा भण्डारीले सचिव पदका लागि उम्मेद्वारी दिएका हुन।
काठमाण्डौ जिल्ला समितीको सह- सचीव पदमा रहेर आफ्नो ३ वर्षे कार्यकाल सम्पन्न गरेका भण्डारीले एक पालिकामा कम्तीमा एक पदाधिकारीको अवधारणा अनुरुप आफुले बुढानिलकण्ठ नगरपालिकाबाट सचिव पदमा उम्मेद्वारी दिएको बताएका छन।
अध्यक्ष, सचीव वा कोषाध्यक्ष जस्ता निकै प्रभावशाली पदाधिकारीका पदहरु एउटै पालिकामा दोहोर्याउनु वा एक पछि अर्को कार्यकालमा फेरि पुस्तान्तरण गर्दै जानु भन्दा उम्मेद्बारको दक्षता, कार्य क्षमताको मुल्यांकन गर्नुपर्ने भन्दै भण्डारीले फरक फरक पालिकाबाट चयन गर्दै सबैलाई एक ढिक्का बनाइ प्याब्सनको विकास त् विस्तार गर्नुपर्ने बताएका छन।
बुढानिलकण्ठ नगरपालिका वडा नं ५ मा रहेको फ्युजन एकेडेमीका प्रिन्सिपल समेत रहेका भण्डारीले आफ्नो मतका लागि सदस्य विद्यालयहरु संग अनुरोध पनि गरेका छन।
