बुढानिलकण्ठ -१२ मा “जनप्रतिनिधि संग बालबालिका” कार्यक्रम सम्पन्न

कपन अनलाइन
काठमाडौं, पुस ९।

बुढानिलकण्ठ नगरपालिका वडा नम १२ मा “जनप्रतिनिधि संग बालबालिका” कार्यक्रम सम्पन्न भएको छ । वडा नं १२ को घटराज मेमोरियल माविमा भएको सो कार्यक्रममा वडाका विभिन्न विद्यालयका विद्यार्थीहरुको सहभागिता रहेको थियो।

बुढानिलकण्ठ नगरपालिका वडा नं १२ का अध्यक्ष शम्भु प्रसाद भट्टराई, कार्यपालिका सदस्य तथा सामाजिक विकास समिती की संयोजक शान्ता ढकाल पुडासैनी ,वडा सदस्य मिना बयलकोटी , वडा सचिव विष्णु खनाल लगायतको उपस्थितिमा भएको सो कार्यक्रममा विद्यार्थीहरुले विभिन्न प्रश्न तथा अनुरोधहरु राखेका थिए।

कार्यक्रममा उठेका प्रश्नहरुको जवाफ दिदै अध्यक्ष भट्टराईले आगामी दिनमा विद्यार्थी र बालबालिकाहरुको सृजनात्मक विकासका लागि विभिन्न कार्यक्रमहरु बनाउने प्रतिवदत्ता व्यक्त गरेका थिए भने योजना निर्माणमा विद्यालय र विद्यार्थी हरुलाई सहभागिता गराउने योजना समेत सुनाएका थिए।

त्यस्तै उक्त कार्यक्रममा वडा सचिव खनालले वडाले प्रदान गर्ने सेवा सुविधा तथा कामकारवाहीका बारेमा जानकारी प्रदान गरेका थिए भने सदस्य शान्ता ढकालले शिक्षा समितीका काम र आगामी योजनाहरुका बारेमा प्रकाश पारेकी थिइन्।

मेघा मल्टी मिडियाका अध्यक्ष मेघनाथ पहाडीले स्वागत मन्तव्य राखेको कार्यक्रममा बोल्दै वडा सदस्य मिना बयलकोटीले वडाका गतिविधिहरुका बारेमा जानकारी प्रदान गरेकी थिइन् ।