अमर आदर्शलाई सातौं एन प्याब्सन फुटसलको उपाधि

अमर आदर्शले सातौं एनप्याब्सन खेलकुद सप्ताहअन्तर्गत छात्र फुटसलको उपाधि आइतबार जितेको छ ।
कमलादीस्थित युनिग्लोब कलेजमा भएको फाइनलमा अमर आदर्शले बोधी सदनलाई १–० गोलले पराजित ग¥यो । गोविन्द विकले निर्णायक गोल गरे ।
एनप्याब्सन काठमाडौं जिल्ला कार्यसमितिद्वारा आयोजित प्रतियोगितामा निर्मल ज्योति तेश्रो भयो । निर्मल ज्योतिले कान्तिपुर इङलिस स्कुललाई ३–१ ले हरायो । निर्मल ज्योतिका समपर्ण थापा मगरले २ तथा सागर मगरले १ गोल गरे । कान्तिपुरका माधव सुवेदीले सान्त्वना गोल फर्काए । ४४ टिमले नकआउट आधारमा प्रतिस्पर्धा गरेको आयोजकका अत्तिरिक्त क्रियकलाप संयोजक प्रेमकुमार भुजेलले जनाएका छन् ।
खेलकुद सप्ताहमा फुटसलसहित बास्केटबल, कबड्डी र तानडोरी गरी ४ खेल समावेश छन् । बाँकी ३ खेलको प्रतिस्पर्धा हुन बाँकी छ । सोमबारदेखि भीमसेनगोलस्थित अमर आदर्श माविमा कबड्डीको प्रतिस्पर्धा सुरु हुनेछ । छात्रमा ३९ तथा छात्रामा १८ टिमले नकआउट आधारमा प्रतिस्पर्धा गर्ने छन् ।