सरस्वतीनगर गोपीकृष्ण हल नजिक एक गोदाममा आगलागी

कपन अनलाइन

काठमाण्डौ ,कार्तिक २६

चाबहिलको सरस्वतीनगरस्थित आर्ट्स इन्टरनेसनल प्रालिको गोदाममा आगलागी भएको छ।

आगलागीका कारण गोदाममा रहेको फर्निचर, सजावटका सामग्री, विद्युतीय सामग्री, प्लाईलगायत सामग्री जलेर नष्ट भएका छन् भने  आगलागीले वरपरका अन्य घरहरूमा समेत सामान्य क्षति पुगेको  छ ।

नेपाली सेना, प्रहरी, सशस्त्र प्रहरी,बुढानिलकण्ठ नगरपालिका   लगायत उपत्यकाका तीनै जिल्लाका दमकलको सहायताले करिब दुई घण्टापछि आगो नियन्त्रणमा लिइएको थियो ।