जोसेफ स्कुलमा बिध्यार्थीहरुलाई निर्वाचन प्रक्रिया सिकाउन निर्वाचन सम्पन्न

कपन अनलाइन

काठमाण्डौ,बैशाख २४।

जोसेफ स्कुलमा अध्ययनरत बिध्यार्थीहरुलाई प्रजातान्त्रिक ब्यबस्था, नेतृत्व चयन हुने बिधि, निर्वाचन प्रणाली र नेतृत्व बिकास सम्बन्धि सीप बिकासको लागि जोसेफ हाई स्कुल तथा ईन्टरनेशनल जोसेफ पब्लिक स्कुलमा आज मिति २०८१ बैशाख २१ गते शुक्रबार स्कुल क्याप्टेन र भाईस क्याप्टेन चयनको लागि निर्वाचन सम्पन्न भएकोछ ।

कक्षा ३ देखि कक्षा १० सम्मका बिध्यार्थीहरुले मतदान गरि जोसेफ हाई स्कुलको क्याप्टेनमा कक्षा ९ का छात्र ईशान बस्नेत र भाईस क्याप्टेनमा मौलिक अधिकारी निर्वाचित भएका छन । त्यसै गरि ईन्टरनेशनल जोसेफ पब्लिक स्कुलको क्याप्टेनमा सृष्टिका गुरुङ र भाईस क्याप्टेनमा सुरक्षा गुरुङ निर्वाचित भएका छन ।

निर्वाचनको सम्पुर्ण प्रक्रिया मतदाता नामावली प्रकाशन, उम्मेदवारी दर्ता, उम्मेदवारको अन्तरबार्ता र ककस सहित योजना प्रस्तुति, उम्मेदवारको प्रचार- प्रसारको एक हप्ता लामो प्रक्रिया पुरा गरि आजनै मतगणना गरि नतिजा प्रकाशन गरि बिजयी बिध्यार्थीहरुलाई प्राचार्य मनोज अधिकारी र सहायक प्राचार्य दिपक अधिकारी सहित ईन्चार्जहरुले खादा तथा माला लगाएर बधाई ज्ञापन गर्नु भयो ।

जोसेफ स्लुलमा यस्तो निर्वाचन प्रक्रिया बिगत दुई दशकदेखि संचालन आईरहेकोछ ।