द चाँगबाग स्कुल दोश्रो कम्फेस्टमा बौद्ध चिल्ड्रेन हेभनको जित

कपन अनलाइन

काठमाण्डौ,फागुन ७।

बौद्ध चिल्ड्रेन हेभनले द चाँगबाग स्कुल दोश्रो कम्फेस्टअन्तर्गत यु–१२ ब्वाइज बास्केटबलमा सोमबार जित हात पारेको छ। बौद्धले काष्ठमण्डपलाई १८–८ ले पराजित गर्यो  ।

सोही स्पर्धामा जेभियर इन्टरनेसनलले निसर्ग वाटिकालाई ७–४, गुहेश्वरीले ज्ञानोदयलाई ७–२, प्यारागनले मनास्लुलाई २७–६ र आयोजक चाँदबागले बुढानीलकण्ठलाई १०–३ ले हराए ।

यु–१२ गल्र्स बास्केटबलमा बौद्धले चेल्सीलाई ११–८, निसर्गले चाँदबाग ‘बी’ लाई ५–२, रिब्सले लिटिल वन्डरलाई १५–२ र चाँदबाग ‘ए’ ले ज्ञानोदयलाई ६–२ ले पाखा लगाए ।

यु–१२ ब्वाइज फुटबलमा संस्कृतिले चाँदबाग ‘सी’ लाई ५–१, टीआईएले जेभियरलाई ९–०, रिब्सले नेहबरउडलाई ३–० र लिटिल वन्डरले हिमालयनलाई ३–० गोलले पन्छाए । जोन डेवी र क्याम्पियनबीचको खेल २–२ गोलको बराबरीमा सकियो।