मोलुङ-५ को ओखरबोटमा स्कारपिओ दुर्घटना,एकको मृत्यु ५ घाइते

कपन अनलाइन

काठमाण्डौ,फागुन ३।

मोलुङ गाउँपालिका ५ को ओखरबोटस्थित भित्रि सडकमा आज दिउँसो १ बजेको समयमा स्कारपिओ दुर्घटना हुँदा एकजनाको घटनास्थलमै मृत्यु भएको छ । दुर्घटनामा अन्य ५ जना घाइते छन् ।

आयु मोलुङ हाइड्रोपावर कम्पनीका कर्मचारी लिएर प्राप्चाबाट खोलाखर्क जाँदै गरेको स्कार्पिओ दुर्घटनामा परेको हो । दुर्घटनामा मोरङको पथरीका २६ वर्षीय गणेश रसाइलीको मृत्यु भएको जिल्ला प्रहरी कार्यालय ओखलढुंगाले जनाएको छ।

दुर्घटनामा परी तेह्रथुमको मेन्छयाम गाउँपालिका ५ का ३२ वर्षीय यज्ञप्रसाद निरौला, भक्तपुरको सल्लाघारी बस्ने ३८ वर्षीय मित्रलाल भुर्तेल, सिन्धुलीका ४५ वर्षीय सन्देश कार्की, मोलुङ गाउँपालिका ५ बस्नेत ४० वर्षीय कुमार कार्की र सुनसरीको रामधुनी नगरपालिका ४ का ३२ वर्षीय अर्जुन दाहाल घाइते भएका छन् ।

घाइतेमध्ये मित्रलाल भुर्तेल, सन्देश कार्की र कुमार कार्की गम्भीर छन् । उनीहरुलाई आजै फिस्टेल हेलिकोप्टरबाट थप उपचारका लागि काठमाडौँको हेम्स अस्पताल पठाइएको प्रहरीको भनाई छ ।

बा२०च ४८६२ न. को स्कारपिओ ट्रनिङ काट्ने क्रममा अनियन्त्रित भई सडकबाट १०० फिट तल झरेर दुर्घटनामा परेको प्रारम्भिक जानकारी आएको छ ।