भ्याली पब्लिकको चारै टोली सेमिफाइनलमा

कपन अनलाइन
काठमाडौं,माघ २५।
आयोजक भ्याली पब्लिक स्कुलको चारै टोली १६ औं भ्याली पब्लिक अन्तरविद्यालय बास्केटबल प्रतियोगितामा बुधबार सेमिफाइनलमा प्रवेश गरेका छ । भ्याली पब्लिकको सिनियर र जुनियर ब्वाइजमा १–१ तथा सिनियर गल्र्समा २ गरी ४ टोली सेमिफाइनलमा पुग्न सफल भए ।
सिनियर ब्वाइजमा भ्याली पब्लिकले एलआरआईलाई ४७–४० ले पराजित ग¥यो । भ्याली पब्लिकका सुशान्त चौधरीले १४ अंक जोडे । सोही स्पर्धामा एचएचसीएले बेम्सलाई ३९–३०, ग्रिनल्यान्डले लालीगुराँसलाई ४०–२२ र गोल्डेनपिकले लिटिल एन्जल्सलाई ५८–५४ ले हराए । एचएचसीएका दिशान चाम्लिङले १२, ग्रिनल्यान्डका सुरेश बिसीले १५ र गोल्डेनपिकका सुविन तामाङले ३१ स्कोर गरे ।
जुनियर ब्वाइजमा भ्याली पब्लिकले हिमरश्मिलाई ३७–३०, गोल्डेनपिकले लालीगुराँसलाई २६–२४, किङडमले डाफोडिललाई ४३–३९ र स्किब्सले क्यान्भासलाई ३६–३० ले पाखा लगाए । भ्याली पब्लिकका आर्यन गुरुङले १९, गोल्डेनपिकका सुशिल गिरीले ८ र स्किब्सका सफल थापाले १० अंक बटुले ।
सिनियर गल्र्समा भ्याली पब्लिक ‘ए’ ले डाफोडिललाई २९–१७, भ्याली पब्लिक ‘बी’ ले बीएनएलाई २८–१९, एनसीसीएसले केभीएसलाई १५–१४ र सत्यसाइले ग्रिनल्यान्डलाई २०–१८ ले पन्छाए । भ्याली पब्लिक ‘ए’ की लोरिशा गौचनले १४, भ्याली पब्लिक ‘बी’ की दृष्य गुरुङले १८, एनसीसीएसकी दिभा महर्जनले ४ र सत्यसाइकी आस्ना नकर्मीले १३ अंक जोडे ।