महालक्ष्मी नगरपालिकाका प्रवीण र सुरुचीलाई दुई सय मिटरमा पनि स्वर्ण

कपन अनलाइन

काठमाण्डौ ,माघ ६।

महालक्ष्मी नगरपालिकाका प्रवीण राना मगर र ललिपतुर महानगरपालिकाकी सुरुची मोक्तानले चौधौं ललितपुर जिल्लास्तरीय राष्ट्रपति रनिङ सिल्ड अन्तर्गत एथलेटिक्सको २ सय मिटर दौडमा शुक्रबार स्वर्ण जितेका छन् । प्रवीण छात्र तथा सुरुची छात्रामा पहिलो भएका हुन् । दुवैले बिहीबार १ सय मिटर दौडमा पनि स्वर्ण जितेका थिए ।
त्रिपुरेश्वरस्थित दशरथ रंगशालामा भएको ८ सय मिटर दौडको छात्रमा महालक्ष्मीका सुसन बम्जन र छात्रामा ललिपतुरकी हरिमाया पाण्डे, ३ हजार मिटर दौडको छात्रमा ललिपतुरका रमन महत र छात्रामा ललितपुरकी शान्तिमाया बल, लङजम्पको छात्रमा ललितपुरका धनबहादुर मगर र छात्रामा ललितपुरकै सहारा वाइबा, हाइजम्पको छात्रमा महालक्ष्मीका पुजन चन्द र छात्रामा बागमती गाउँपालिकाकी आस्कृता बम्जन तथा सटपुटको छात्रमा ललितपुरका मिलन मगर र छात्रामा महालक्ष्मीकी सविना गोलेले पहिलो स्थान हात पारेका छन  ।