नेपाल रेडक्रस सोसाइटी कपन उपशाखाको अधिवेसन २२ गते,सदस्यता नपाएको सयौको गुनासो
कपन अनलाइन
काठमाण्डौ ,पुस १८।
नेपाल रेडक्रस सोसाइटी कपन उपशाखाको अधिवेसन यहि पुस २२ गते आइतवार हुने भएको छ। पुस २२ गते आइतवार हुने सो साधारण सभा बुढानिलकण्ठ नगरपालिका वडा नं १२ मा रहेको संस्थाको भवनमा ७.१५ बजे शुरु हुनेछ।
साधारण सभाको मिति तोकिए संगै नेपाल रेडक्रस सोसाइटी कपन उपशाखाको सदस्य बन्नका लागि आवेदन दिएका सयौ व्यक्तिहरुले आफुले सदस्यता नपाएको गुनासो गरेका छन।
सो शाखाको सदस्य बन्नका लागि महिनौ अगाडी देखि रसिद काटेर आवेदन दिए पनि हाल सम्म सदस्यता नआएको एक पीडितले बताएका छन।
कपन उप शाखाको क्षेत्र भित्र नपर्ने भन्दै नेपाल रेडक्रस सोसाइटीको विधान विपरित सयौको सदस्यता रोकिएको बताउदै ति सदस्यता नपाएका पीडितले सुनुवाईका लागि सरोकारवाला संग आग्रह समेत गरेका छन।
सदस्यताका लागि नेपाल रेड क्रस सोसाईटीका पदाधिकारीहरुलाई सम्पर्क गर्दा कुनैपनि सुनुवाई नभएको भन्दै ति सदस्यले साधारण सभाको दिन प्रदर्शन गर्ने तयारी समेत गरिएको जानकारी दिएका छन।
तपाइँको प्रतिक्रिया ।
