टीआईए कप बास्केटबल आइतबारदेखि

कपन अनलाइन
काठमाडौं, पुस ७ ।
ठुङरम इन्टरनेसनल एकेडेमी (टीआईए) को आयोजनामा १५ औं टीआईए कप अन्तरविद्यालय बास्केटबल प्रतियोगिता आइतबारदेखि हुने भएको छ ।
प्रतियोगितामा सिनियर ब्वाइजमा १४ तथा सिनियर गल्र्समा १२ गरी २६ टिमको सहभागिता रहने शुक्रबार आयोजित पत्रकार सम्मेलनमा टीआईएका प्रधानाध्यापक उत्तमराज थापाले जानकारी गराए । दुवै विधामा सहभागी टिमलाई ४ समूहमा विभाजन गरी लिग कम नकआउट आधारमा खेल खेलाइने छ ।
चार वर्षपछि प्रतियोगिता हुन लागेको हो । चार वर्षको अवधिमा कोभिड र विद्यालय हाताको पूर्वाधार स्तरोन्नती गर्नु परेकाले प्रतियोगिता हुन नसकेको प्रधानाध्यापक थापाले बताए ।
प्रतियोगिता सञ्चालन गर्न करिब ३ लाख ५० हजार खर्च हुने आयोजकले जनाएको छ । प्रतियोगिताका खेलहरु हात्तीगौडास्थित आयोजककै कोर्टमा हुनेछ ।