बुढानीलकण्ठ नगरपालिका वडा नं १ को आयोजनामा खुल्ला ब्याडमिन्टन प्रतियोगिता सम्पन्न

कपन अनलाइन

काठमाण्डौ ,मङ्सिर २५।

बुढानीलकण्ठ नगरपालिका वडा नं १ को आयोजनामा भएको खुल्ला ब्याडमिन्टन प्रतियोगिता सम्पन्न भएको छ ।

मंसिर २३ गते बालबालिका तथा युवा खेलकुद पार्कको उद्घाटन सहित भएको  प्रथम वडा अध्यक्ष खुल्ला ब्याडमिन्टन प्रतियोगितामा २२ जना खेलाडि सहभागी रहेका  थिए ।

प्रतियोगितमा सिंगल र डबल गरी दुई वटा विधामा स्पर्धा भएका थिए ।८ जना सहभागि सिंगल बिधाको उपाधी बिक्रम श्रेष्ठले हात पारेका छन् भने लक्षमण श्रेष्ठले दोस्रो र राजेन्द्र श्रेष्ठले तेस्रो स्थान हासिल गरेका छन् ।

यस्तै, ७ समुह रहेको डबल बिधामा धर्मराज श्रेष्ठ र गोपाल गुरुङको जोडि बिजय भएका छन् । सुरेश बरुवाल र बिकास के.सी.को जोडि दोस्रो हुन सफल भएका छन् भने अमर खड्का र समिर खड्काको जोडिले तेस्रो उपाधी पाएका छन  ।