नगर स्थापना दिवसमा बुढानिलकण्ठका प्रहरी र कर्मचारीहरुको जोडदार प्रस्तुति …….
कपन अनलाइन
काठमाडौं, मंसिर १८।
बुढानिलकण्ठ नगरपालिकाको १० औ स्थापना दिवसको अवसरमा नगरपालिकाका कर्मचारी र नगर प्रहरीहरुले दिएको सांगीतिक प्रस्तुतिको प्रसंशा भएको छ।
अनौपचारिक स्वरुपमा भएको सो कार्यक्रममा कर्मचारी र नगर प्रहरीहरुले विभिन्न गीतमा नृत्य प्रस्तुत गरेका थिए जसले स्थापना दिवसको कार्यक्रमलाई निकै रोचक बनाएको थियो।
सधै नगरपालिकामा आउने सेवाग्राहीहरुको सेवामा रहने कर्मचारीहरुको कलाकार अवतारले सो १० औ स्थापना दिवसमा आउने पाहुनाहरुलाई मनोरंजन दिएको थियो।
सो अवसरमा कर्मचारीहरुका तर्फबाट उपमा दाहाल, एलिजा अधिकारी ,ममता मानन्धर ,सुमित्रा श्रेष्ठ ,आरजु खड्का ,जमुना लामा र संजु केसीले विभिन्न नृत्यहरु प्रस्तुत गरेका थिए।त्यस्तै नगर प्रहरीका तर्फबाट बिमला तामाङ ,नबिन राई ,विकाश श्रेष्ठ र रोजन तामाङले आफ्नो जोडदार प्रस्तुति दिएका थिए।
बुढानीलकण्ठ नगरपालिकाले १० औ नगर स्थापना दिवस भव्यताका साथ मनाएको थियो । दिवसको अवसर पारेर मंसिर १६ गते नगरपालिका प्राङ्गणमा शुभकामना आदन प्रदान तथा चियापान कार्यक्रम आयोजना गरिएको थियो ।
