रेडियन्ट पब्लिकको दुवै टोली सेमिफाइनलमा

कपन अनलाइन

काठमाण्डौ ,मङ्सिर १५ ।

आयोजक रेडियन्ट पब्लिकको जुनियर ब्वाइज र सिनियर गल्र्स दुवै टोली नवौं रेडियन्ट कप अन्तरविद्यालय बास्केटबल प्रतियोगितामा बिहीबार सेमिफाइनलमा प्रवेश गरेका छन् ।
स्युचाटारस्थित घरेलु कोर्टमा रेडियन्टले पुष्पसदनलाई २७–१० ले पराजित ग¥यो । रेडियन्टको जितमा विदान कार्कीले ८ अंक योगदान गरे । जुनियर ब्वाइजमै दीप रोकायाको ६ अंक सहयोगमा ग्रिनफिल्डले श्री नवीन ज्योतिलाई १७–८ ले हराउदै सेमिफाइनलमा स्थान सुरक्षित गर्यो ।
सिनियर गल्र्समा रेडियन्ट पब्लिकले जेनिथमाथि २३–१७ को जित दर्ता गर्यो  ।

विजयी टिमका लागि दिब्यान्शा कार्कीले १८ अंक जोडिन् ।सिनियर ब्वाइजमा जेनिथले विल्सन एकेडेमीलाई ५६–३१, ज्ञानोदयले निसर्गलाई ५१–२० र एन्जल लर्डले ग्रिनफिल्डलाई ३६–२७ ले पाखा लगाउदै सेमिफाइनल यात्रा तय गरे । जेनिथका सुशिल शाहीले २०, ज्ञानोदयका दीपेश शाहीले २३ र एन्जल लर्डका रवि कार्कीले १७ स्कोर गरे।